Saturday, December 29, 2018

මගේ පවුල මගේ ජීවයයි
සත්‍ය කතාවකි

නිමාලි එදා සිසිර සමග  ඒ ගමන යාමට බසයට නැගුනේ කරන්න කිසිම දෙයක්   නැති නිසා.
ලොකු පුතාටත් තාම අවුරුද්දයි.
සිසිරටත් දැන් ස්ථිර රස්සාවක්  නෑ
හැමදාම  කුලී වැඩක් හම්බ වෙන්නෙත් නෑ
මේක නිසා මොන්ටිසෝරියේ රස්සාවටත් යන්න බැරිවුනොත් ලොකු පුතාට කොහොමද  සලකන්නේ. 
  
"මොනවා කරන්නද මගේ බඩට ආවාට මට ඔයාව භාරගන්න  බෑ.
ඔයාව අද මම මරලා දාන්නයි හදන්නේ "
නිමාලි බඩ දිහා බලාගෙන හිතින් මිමිණුවා.
 
නිමාලි  උසස් පෙල විභාගය ට මාසයක් තියෙද්දී සිසිර එක්ක ආවේ ගෙදර ඉන්නම බැරි වුන නිසා.
නිමාලි ට සිසිර ව ඕන නම් ලෙඩකට මරණයකට වත් ගෙදරට වැද්දගන්නේ නෑ කියූ 
තාත්තා  තාමත් වෙනස් වුනේ නෑ.
ඉදලා හිටලා හම්බ වුනත් අම්මාත් තාම මූණ බලලා  කතා කරන්නේ නැහැ . 
තියෙන එකම ශක්තිය සිසිරගේ  නොවෙනස්  වූ ආදරයම විතරයි.

"නිමාලි ,  බස් එකෙන් බහිමු.
මෙතන තමයි  රන්ජන් කියපු තැන"
නිමාලි  පියවි ලෝකයට ආවේ සිසිරගේ හඬින්. 

නිමාලි යි සිසිර යි බස් එකෙන් බැස්සා.
නිමාලිට පොඩ්ඩක් වමනයට එන්න  වගේ. 
නිමාලි පාර අයිනේ  පදුර ගාවට ගියේ වමනය දාන්න
"සිසිර ඉක්මනට එන්න"
"මේ බලන්න මේ බැල්ලී කොච්චර ආදරෙන් ද පැටවුන්ට කිරි දෙන්නේ අනේ සිසිර අපි අපේ පැටියා මරන්නේ ඇයි
ඇයි සිසිර අපි එහෙම කරන්නේ "

"නිමාලි  අපිට මේ වෙලාවේ බබෙක් හදන්න බෑ .  අපි යමු" සිසිරගේ උත්තරය වුනේ ඒකයි,
" නෑ මම මේ බබා නැතිකරන්නේ නෑ. .කොහොම හරි හදනවා.
කොහොම  හරි හදනවා
කොහොම හරි හදනවා. "නිමාලි  එක හඬින් කියා සිටියා.
" කමක් නෑ නිමාලි
මමත් පවක් කරන මිනිහෙක්  නෙවෙයි .
ඔයා විදින දුක බලන් ඉන්න  බැරුව  තමයි මෙහෙම  කරන්න හිතුවේ. ආයේ මම ඔයාට බලකරන්නේ නෑ. කොහොම හරි අපි මේ බබාත් හදාගමු "  ආපස්සට  ගෙදර ආපු නිමාලි ලොකු පුතා චමත් බදාගෙන  පැය ගාණක් ඇඩුවා. 

හිතට පුළුවන් තරම් දිරිය ගන්නවා.
එදා ඉදන් නිමාලි ත් සිසිරත් නිකම් හිටපු වෙලාවක් නැති තරම් . 
පොඩියට තිබ්බ ගෙදර වත්තේ පලා වැව්වා.
ඉඳි ආප්ප තම්බලා කඩවල් වලට දැම්මා


කොච්චර මහන්සි වුනත් හම්බකරන හැම සතයක්ම වියදම් වුනා. 
චූටි සහන් ගෙදරට ආවා.
නිමාලි ට දැන් ඉස්සර  වගේ සිසිරට උදව් කරන්න අමාරුයි. චමත් සහන් දෙන්නම ටික ටික ලොකු වුනා.
සහන්ට අවුරුදු දෙක වෙන කොට මොන්ටිසෝරියේ  ලොකු මිස් නිමාලිට දරුවෝ දෙන්නත් එක්ක  මොන්ටිසෝරියේ ඇවිල්ලා වැඩ කරන්න  අවසර දුන්නා.
මේ වෙලාවේ  හැටියට  නිමාලිට ඒක ලොකු සහනයක්. 

ඔය විදිහට  කාලය  ගෙවිලා ගියා.
චමත්, සහන් දෙන්නා දැන් ගමේ පාසලට යනවා.

කාලය විදුලියක් වගේ.
සිසිරට නිමාලිට හිතන්න  කාලයක්  නෑ
ළමයි ඉස්කෝලේ යනවා
පංති යන්න  සල්ලි ඉල්ලනවා.
දෙන්න සල්ලි නෑ.
වෙලාවකට නිමාලිට එයත් එක්කම තරහ යන වෙලාව ල් ආවා 
එදා ඒ දේ කරගත්තනම් අද චමත් හරි සැපට ඉන්නවනේ කියලා නොහිතුනාම ත්।  නෙවෙයි.
ඒත් සිසිරගේ ආදරයයි
පුතාලා දෙන්නාගේ දඟකාර  කම් එක්ක  නිමාලිට ජීවිතයේ සතුට මේක නේද කියලත් හිතුනා
එදා ආපසු හැරිලා ආපු එක ගැන සතුටක් හිතුනා.


කාලය ඔය විදිහටම ගලාගෙන ගියා.

"සහන් ලංකාවේ පළවෙනියා නෙවෙයි
මේ දිස්‌ත්‍රික්‌කයේ  පළවෙනියා නෙවෙයි 
ඒත් සහන් ශිෂ්‍යත්ව  විභාගයෙන් ළකුණු  185 ක් අරගෙන  අපේ පාසලේ පළවෙනියා වෙලා තියෙනවා.
මේ දරුවා නගරයේ පංතිවලට ගියේ නෑ.
එහෙම නැතුව දුෂ්කරතා මැද මේ ලබාගත් ජයග්‍රහණය  ලංකාවේ පළවෙනියා වුනාටත්
 වඩා අපිට වටිනවා.
අම්මා  , තාත්තා  ආඩම්බර  වෙන්න ඕන මේ වගේ දරුවෙක්ට මවක පියෙකු වුණාට ".

 විදුහල්පතිතුමා ගේ හඬත් සමඟ නිමාලි ට එදා අවුරුදු 10  කට උඩදී ගිය ගමන 
පැටවුන්ට  කිරි දුන්න බැල්ලිය නිමේෂයකින්  පෙනී නොපෙනී ගියාය.

පූර්ණිමා ලක්මාලි 
චුට්ටිගේ ලෝකය




 
 



 
"මොනවද අද කරන්නේ"
"කෝ phone එක බලමුකෝ 
u tube"
ආ..මේ තියෙන්නේ 
මේක නම් මරු
අද මං මේක හදනවා 
save කරගන්න  ඕන. 
ආයේ බලමුකෝ.
list එකක් හදාගන්න  ඕන
app එක හරහා three wheeler
එකක් ගත්තා .
ගියා super market  එකට.
ඔක්කොම  ජාති ගත්තා
ආයේ බලමුකෝ video  එක 
ආ ඔක්කොම හරි.
 හබීට අද දෙන්නම් කෝ surprise  එකක් 
ඔන්න ඉතින්  හදන්න  ගත්තා.
දැන් නම් ready . 
photos  ගන්න ඕන
මෙතන හරි නෑ.
කෝ අර අළුත්  plate එක 
ආ මේ තියෙන්නේ 
කොහේ තියලද photos ගන්නේ 
ආ අර අලුත් bed sheet  එක 
ඒක හොදයි 
මේ පැත්තෙන් 
මේ පැත්තෙන් උඩින්
emergency  lamp එක පොඩ්ඩක් අල්ලලා.
ආ නියමයි .
නියමෙට තියනවා.
දාන්න  ඕන photos  ටික fb
searching l kitchen  , b kitchen , c kitchen 
ඔක්කොම  groups වලට 
🍴surprise dinner for hubby 🍴
 likes comments හෝ ගාලා
looks yummy ......

wash එකක් දාගන්න ඕන 
හබී එන කොට fresh පිට ඉන්න ඕන
හබී ආවාද කොහෙද
"මං ඔයාට call  කලා
phone  off කරලා 
මරු සුවඳක් නේ"
"ආ මම  video  එකක් save කරගෙන කෑමක් හැදුවනේ disturb  වෙන නිසා flight mode දාලා තිබ්බා "
"අයියෝ මම කොත්තුවක් ගෙනාවා 
ඒක අහන්න  call කලේ
කමක් නෑ අපි කමු අලුත් කෑම
wash එකක්  දාගෙන  එන්නම් "
ඔන්න අපි දෙන්නා  කන්න  ලෑස්ති වුනා
හබී ගේ මූණ   අවුල්
"ඇයි රස නැද්ද "
"කාලාම බලන්න කෝ"
"අයියෝ මේකට ලුණු නෑ
ටිකක්  තිත්තයි ත් වගේ 
අනේ sorry darling" 

"කමක් නෑ අපි කොත්තු ව කමු"

"එහෙම වත් කරමු."

කොත්තුව ඒක නම් මාර රසයි

ආ අරකේ photo එකක්  fb wall   එකට දාන්න ඕන හබී වත් tag කරලා
🍸eating  dinner 
m.....ම්.....delicious. . . . . . 🍷

 

 


Wednesday, December 26, 2018

කෙටි කතාවකි 

තව කොච්චර  කාලයක් මම ජීවත් වෙයිද?
කොච්චර කල් මට මේක හංගන්න පුළුවන්  වෙයිද
දෙවියනේ මගේ අම්මා තාත්තා 
එයාලා  මේ දේ දැනගත්තොත්  මොනවා කරයිද
මම මැරුනම අපේ ගෙදර අයට මිනිස්සු මොනවා නොකියයිද.
මේ මොහොතේ ම මාව මැරෙනවනම්... 
ඒත් මගේ ගෙදර  අය.....................

"මාව අමතක කරන්න  නවෝද්.
ඔයාලාගේ ගෙදරින්  කවදාවත් මට කැමති වෙන්නේ නෑ . 
 අපේ තාත්තා හැම වෙලේම  කියන්නේ කලු ගල් එක්ක හැප්පෙන්න අපිට බෑ කියලා.
ඔයා කියන විදියට ඔයත් එක්ක ආවොත් ඔයාලගේ තාත්තා අපේ පවුලම විනාශ කරයි.
නවෝද් මට සමාවෙන්න මට ඔයා කියන දේට එකග වෙන්න බෑ
ආයෙත් මට කරදර කරන්න එපා 
ඔයා දිගින් දිගටම කරදර කලොත් මට ජීවත් වෙනවට වඩා මැරෙන එක හොදයි.  "

චමරි ගේ  වචන  නැවත නැවතත් ඇහෙනවා ඇහෙනවා වගෙයි.

මම කවුද කියලා දැනගත්තොත්  චමරි කවදාවත් මට කැමති වෙන්නේ නෑ කියලා දැනගෙන ම නේද මුල ඉදලම මම කවුද කියන එක එයාට  හැංගුවේ.

ආ දැන් ඔයාලා බලනවා ඇති මම කවුද කියලා.
මම නවෝද් .
මම ඉන්නේ කොහෙද කියලා වැදගත් නෑ.
මගේ තාත්තා මේ ප්‍රදේශයේ ජීවත් වන ඉඩම් හිමි වැවිලිකරුවෙක්.
පලාතේ දේශපාලනයටත් සම්බන්ධ යි.
එතකොට  අම්මා  සමාජ සේවිකාවක් ඔයාලා හිතුවේ එහෙමද ඒ වුනාට  ඒක එහෙම නෙවෙයි එයා දනට පිනට ලැදි බණ භාවනා  කරන බොහොම කරුණාවන්ත කාන්තාවක්. 
තාත්තා නිසාම එයා එහෙම  වුනාද දන්නේ නෑ. 
කොහොම වුනත් ඒවා ඔයාලටත් මටත් වැදගත් නෑ
මම ත් මගේ අක්කාත් අම්මත්  ජීවත් වුනේ මෙහෙ නෙවෙයි.
අපි තුන්දෙනා හිටියේ අපේ නුවර ගෙදර 
අපි ඉගෙන ගත්තේ එහෙ ඉදන් .
අක්කා මං වගේ නෙවෙයි. එයාට හොදට ඉගෙන ගන්න පුළුවන්. ඒ නිසා එයා දැන් පේරාදෙණිය විශ්වවිද්‍යාලයේ. 
මම A level කලා. දැන් තාත්තාට ඕන මම business management  private degree එකක් කරලා එයාගේ  business   ටික ටික පුරුදු වෙන්න . 

ඔය අතරේ තමයි මම චමරි ව දකින්නේ
මුලදී හිතුවේ නම් පොඩි fun එකක් ගන්න මෙහෙ යාලුවොත් නෑ .
චමරි අපේ තාත්තාගේ  වතුවල වැඩකරන...ගොඩාක්  කතාවල වගේ.....  නෑ එහෙම නෑ ඒත් දුප්පත් ගෑනු ළමයෙක් .
යාලු වුනාට පස්සේ  අනුකම්පාවත්  එයාගේ අහිංසක කමත්  එක්ක එයාට ඇදිලා යන එක නවත්තන්න බැරිවුණා .

ඒ පාර තමයි මම කවුද කියලා කියන්න  ගියේ ඔක්කොම අවුල් කරගත්තේ ආදරය අන්ධයිනේ😀

චමරි ආයෙත් මං දිහා හැරිලා බැලුවෙවත් නෑ.

මමත් ඉතින් degree  එක කරන්න   කොළඹට ආවා.
යාලුවොත් නුවරනේ.
 බූට් එකකුත් වැදිලනේ හිටියේ .
දවසක් දෙකක්  club එකට යන්න ගත්තම එන්න එන්න කට්ටිය set වුනා.
හැබැයි  ඉතින් බිව්වා  විතරයි 
ඔය අතරේ තමයි එයාව දැක්කේ
එයා කියන්නේ club එකේ අලුත් dancer.
"පට්ට  කෑල්ල "
කට්ටිය එයාට කිව්වේ එහෙම
මටත් එහෙම්මම හිතුනා.
එයාලා dancer s ලා විතරක්  නෙවෙයි තවත් නිල නොලත්  රැකියාවක්  කරන අය. 
Clubs ඊළඟට  sex මටත් ඒක පොදු දෙයක්  වුනා. 

ඒ වුනත් අන්තිමට මගේ හිතට ඇතිවුනේ කලකිරීමක් .
මට අම්මා ව මතක් වුනා.
අක්කා ව මතක් වුනා.
චමරිව මතක් වුනා.
club යන එක එපාවුනා.
මේ වෙද්දි මට යාලුවොත් හැදිලා
ඔහොම දවස් පහ හයක් ගියා.
මාර කේස් එක.
මූත්‍රා  කරන කොට දැවිල්ලයි.
මූත්‍රා  කරන තැනින් සැරව වගෙත්
 යනවා.
මොකද කරන්නේ  .
ඔයාලට වගේම මටත් තේරුනා අරක නිසා තමයි කියලා.
මොනවා කරන්නද  doctor  කෙනෙක් ගාවට යන්නත් ලැජ්ජයි.
ඒත් යන්නත් ඕනනේ.
කොහොම හරි  ගියා doctor  කෙනෙක්  ගාවට.
ගිහිල්ලා  ඔක්කොම  කිව්වා. 
මාව STD clinic  ( සමාජ රෝග සායනය) ට යොමුකලා 
මාව ඒ clinic එකේ register  කලා.
මැරි මැරී  ඉපදෙනවා කියන්නේ මේකට තමයි. 
මූණ වහගෙන  මම clinic  එකට යන්නේ.
එහෙදි මගේ ලේ මූත්‍රා සැරව හැමදේම test කලා.
"ඔයාට තියෙන්නේ ගොනෝරියා කියන සමාජ රෝගය 
ඒකට අපි ප්‍රතිකාර කරනවා 
අනිත් ප්‍රශ්නය HIV
මොකද මේ වෙලාවේ ඒක negative කියලා පෙන්නුම් කලාට ඔයාට ඒක තියෙන්න පුළුවන් 
මාස තුනක් යනකම් හරියටම කියන්න බෑ
කාලයක්  ඔයාට අපිත් එක්ක මේ පරීක්ෂණ වලට සම්බන්ධ වෙයි
තව අය ත් එක්ක සම්බන්ධතා තිබ්බනම් එයාලව එක්ක එන්න ඕන. ලිංගික එක්වීමකදී කොන්ඩම්  පාවිච්චි  කරන්න අමතක කරන්න එපා""doctor  එහෙම කියන කොට මට  මතක් වුනේ එදා වෙරිමතේ හිටපු මම එයා දුන්න කොන්ඩම් එක විසිකරපු හැටි. රාගයත් අන්ධයිනේ. 
ඒක විසිකලේ නැත්නම් මේ මොකක්වත් නෑනේ.  
Club  එකේ girl ව එයාලා  හොයාගෙන. 

මාරම අවුලෙන් ඉන්නේ
ජීවත් වුනා නෙවෙයි මැරි මැරී  ජීවත් වුනා
ඒඩ්ස්  කියලා හංගන විදිහ දවස ගානේ plan කලා.
නිදාගත්ත රෑ ගණනට වඩා නිදා නොගත්ත රෑ ගණන වැඩියි
අද මුළු රෑම නින්ද ගියේ නෑ
ඉතින්  මම හිතුවා මම වගේම මේ තත්ත්වය ට පත්වෙන ඔයාලා වෙනුවෙන් මගේ කතාව කෙටියෙන් ලියන්න. 

"ඔයාට  HIV නෑ
ඔයාට HIV  නෑ කියන්නේ ආයේ කවදාවත්  HIV  හැදෙන්නේ  නෑ කියන එක  නෙවෙයි
ඒ නිසා  මීට පස්සේ  හිතලා බලලා වැඩකරන්න "
 
ඔයාලට ලිව්ව දවසට පස්සේ දවසේ STD clinic  එකට ගිය මට doctor කියපුදේ.

ඔයාලා හිතුවේ ආයෙත් මම චමරි ගාවට යයි කියලද 
නෑ මොකටද මම මාත් එක්ක  කට්ටක් කන්න බැරි කෙල්ලෙක්  ගාවට යන්නේ 
Chapter closed😉

අළුත්  chapter  එකක් පටන්ගන්න යි යන්නේ 😜
ඒක ඔයාලට ඕන නෑ........
චුට්ටිගේ ලෝකය 
පූර්ණිමා  ලක්මාලි. 



 
 



 





Sunday, December 23, 2018

"පියුමි,  පියුමි ඉක්මනින් නැගිටින්න. "

"මොකක්ද ,අම්මේ නිදාගත්තා  විතරයිනේ "

"නිදාගත්තා  විතරයි !  අනිත් ඔක්කොම  නැගිටලා මනමාලි තාම නිදි. " 

අප්පට සිරි ,
මම අද මනමාලි නේ , දඩ බඩ ගාලා නැගිටගත්ත මම wash room  ගියා. 
wash room ගිහිල්ලා   ඇවිල්ලා  deodorant  නුත් ගාලා ටක් ගාලා ඇඳුමක්  ඇන්දා .

"නිෂා, කොහොමද  පියුමි ගේ speed එක". එහෙම  කිව්වේ  සංජු.
"අනිත් ඒවටත් මෙහෙම। speed වෙයිද දන්නේ නැහැ" ඒ නිෂා .
" පව් , sure එකටම රහල්  අයියා නම් බය වෙනවා."
ආයෙත් සංජු.
"කට වහගන්නවා.   අම්මට තාත්තා ට අනිත් නෑයන්ට ඇහෙයි  .    මගේ කාඩ් කුඩු කරන්නද හදන්නේ "
ඒ වචන වලින් නොවුනත් ඒ දෙන්නට මම එහෙම කිව්වා.
කියපු වචන ඔයාලට ලියන්න  බෑනේ.

නිෂා  හා සංජු මගේ bridesmaids ලා මගේ බැචීලා.
කොහොම කොහොම හරි  අපි තුන්දෙනා වෑන් එකේ salon එකට වෙලාවට ආවා.
flower girls ලා ඊළඟ trip එකට එයාලා තාම ඇහැරිලත් නෑ.
 
අපිව ඇදලා ගත්ත salon එකේ අක්කලා  නංගිලා ටික අපිව පුටු තුනක වාඩි කෙරෙව්වා. 
කට්ටිය  දැන් අපිව අන්දන්න යි ලෑස්ති ය.
නෑ නෑ  මේ අපිව මනමාලියෝ කරන්න. 
ඔන්න ඉතින්  මගේ  hair style එක දැම්මා .
දැන් මගේ මූණ අදිනවා හරියට චිත්‍රයක් පාටකරනවා වගේ .
හරිම සංයමයකින්   එයා ඒ දේ කරන්නේ
කණ්ණාඩිය බලපු මට මාව අදුර ගන්න බෑ. මෙච්චර ලස්සනද මම.
 රහල් මාව අදුරගනියිද දන්නේ  නෑ. 
කොහොමත් සතුටුවෙයි.  
 ඔන්න  මාව ඇන්දුවා. 
අනිත් දෙන්නත් අන්දලා.
බටිච්චියෝ ටිකත් ඇවිල්ලා. 
දැන් photo shoot එකට අපි කට්ටියම ආවා.
රහල් ලත් ඇවිල්ලා .

"ආ මේ කවුද, කෝ මගේ girlfriend.?"  රහල් එහෙම කියාගෙන මා ගාවට ආවා.
රහල් ගේ හිනාව හරි අමුතුයි .
රහල්ගේ රදනක දත් දෙක ලොකුවෙලා...... යක් දත් දෙකක් .අනේ දෙවියනේ !
"මොකද  මේ හොල්මනක් දැකලා වගේ."
යකා  අහනවා ඒ අස්සේ.
"කෝ කෝ දෙන්නා දෙන්නා දිහා බලලා හිනාවෙන්න" ඒ cameraman 
අර දත් ,ආයෙත් යකා මාව කන්න වගේ.
"මිස් මොකක්ද  ලස්සන හිනාවක් දාන්නකෝ" ඒ අස්සේ cameraman කෑ ගහනවා
එයාට පේන්නේ නැද්ද  දන්නේ නෑ මේ යකාව.
ආ දැන්  හරි රහල් ආයේ ඉන්නවා .
"රහල් ඔයාට යකෙක් වැහිලා හිටියා ".එහෙම කිව්වේ මම.
"මොකක් , පිස්සු හැදීගෙන එනවද ?"  කියලා හිනාවුන රහල් 
"යකා තාම පෙන්නුවේ නෑ"  මගේ කනට කෙඳිරුවා.  

  යන්තම් ඇති photo shoot එක ඉවරයි. අපි hall එකට ගියා . 
 අම්මලත් ඇවිල්ලා . 
එයාලා  රහල් ලගේ කට්ටිය පිලිගන්නවා.
දැන් පෝරුවේ චාරිත්‍ර පටන් ගන්න හදන්නේ. 
අපි දෙන්නවම පෝරුවට නැග්ගුවා. 
රහල් ගේ හිනාව ආයේ අර දත් දෙක,
මට දාඩිය දාගෙන  එනවා. 
මම අපේ අම්මා දිහා බැලුවා.
එයාගේ  ඇස් වල කදුළු . 
නරි බෑනා කතාවේ වගේ එයා මාව යකෙකු ට දෙන්න පොරොන්දු වෙලාද දන්නේ නෑ.
 යකා රහල් ව හංගලාද දන්නේ නෑ .
මම රහල්ගේ  අම්මා  දිහා බැලුවා.
එයා හිනාවෙනවා අර දත් ලොකු වෙනවා.
රහල් ගේ තාත්තා  එයාගෙත් දත් ලොකුවෙලා .
ඒ පැත්තේ හැමෝගෙම  දත් ලොකුවෙලා .......

එයාලා  මාව කන්න  වගේ බලන් ඉන්නවා. හිනාවෙනවා . 
"නවත්වන්න , නවත්තන්න   ,ඕක නවත්වන්න,,  කෝ මගේ රහල් !
කොහෙද, එයා ව හැංගුවේ. "කෑ ගහගෙන 
මම පෝරුවෙන් බිමට බැස්සා නෙවෙයි, පැන්නා.
කට්ටිය  මාව අල්ලගෙන  පෝරුවට ආයේ  නග්ගන්නයි හදන්නේ. 
"චූටි  දුව මොකක්ද මේ කරන්නේ 
හොද දුව වගේ ඉන්නකෝ."
 ඒ අම්මා 
"ඇයි අම්මේ ඔයා යකෙකු ට මාව  බන්දලා
 දෙන්න  පොරොන්දු  වුනේ.
කොහෙද රහල් ව හැංගුවේ "
මම මහ හයියෙන්  අඬන්න ගත්තා. 
"අනේ චූටි දුව ඉක්මන් කරන්නකෝ" ආයෙත් අම්මා
ඔන්න යක්කු  ටිකත් මේ පැත්තට  එනවා. 
දැන්මම  මාව කන්නද දන්නේ නෑ .

මම මහ හයියෙන්  කෑ ගහනවා .

"වෙන කරන්න දෙයක් නෑ ඉක්මනින්  hospital  ගෙනියමු .
බලන් ඉන්න බෑ.නම්බුව සල්ලි ඔක්කොම වතුරේ."
කවුද කියනවා ඇහුනා. 
කට්ටියම  මාව උස්සගෙන  van එකකට දාලා hospital  එකට එක්ක ආවා. 
Doctor  ගාවට එක්ක  ආවා.
  "මොකද වුනේ. "  doctor අහන්න පටන් ගත්තා.
"යකෙකු ට මාව බන්දලා  දෙන්න  හැදුවා."
"ආ එහෙමද, ඒ වගේ  දේවල් වෙනවා තමයි
මම ඔයාව වාට්ටුවට ඇතුලත් කරන්නම් 
එතකොට  බේරිලා ඉන්න පුළුවන් නේ"
මම  වාට්ටුවට යන්න  කැමති  වුනා
"doctor ඉන්නවනේ මම බය නෑ"
මාව වාට්ටුවට ඇතුල් කලා.

"මනලෝලි මනමාලියේ "
වාට්ටුවේ  කට්ටිය  කෑ ගහනවා .
nurse  කෙනෙක් මාව admit කරලා  call එකක් ගත්තා  .
"wedding  එක වෙලාවේ aggressive  වෙලා දැන්  නම් හොදට ඉන්නවා ,
නෑ නෑ past history  නෑ .හොදට හිටපු කෙනෙක් "
doctor  ට වෙන්නැති  කියන්නේ .
හැමෝම  මං දිහා බලන් ඉන්නවා .
ඒ අතරේ දෙන්නෙක්  මා ගාවට එනවා.
"ඇයි නංගී" එක්කෙනෙක්  ඇහුවා .
"යකෙක්  මාව බදින්න  හැදුවනේ "
"ඔයා wedding  එක දවසෙම  අදුනගෙනනේ lucky girl අපිට නම්  කාලයක්  ගියා අඳුනගන්න"
 
"ෂා මෙයාගේ  ලස්සන  "


" මේකප්  එක අතරේ නින්ද ගියාද  ඒකත් හොදයි රෑට නිදාගන්න වෙන්නේ නෑනේ "  නිෂා ගේ හැකර කට කොහෙත් එකයි.
මෙයාව  යකෙකු ට බන්දලා දෙන්න හිතෙනවා.

Thanks God හීනයක්ද ඒ .

මාව අන්දලා ඉවර වුනා. 
flower girls  ලත් ඇවිත්. 
ඔක්කොම  photo shoot එකට ගියා
"අම්මෝ මම බය වුනා මෝහිනි කියලා "එහෙම කිව්වේ රහල් 
"මෝහිනි  එනකම් බලන් හිටියද දන්නේ නෑ". මම කිව්වේ නෑ, හිතුවා. 
රහල්ගේ  හිනාව .......අර දත් දෙක ............ ඒ ඒ  දත් දෙක නෑ........
"කෝ දත් " ඒ මම 
"ඔයාගේද " එහෙම ඇහුවේ රහල්. 
"මට ලොකු දත් තියෙනවයි ඔයාටනේ තියෙන්නේ " හිතුවත් මම කිව්වේ නෑ.
 "නෑ ඔයාගේ." ............

රෑට පෙන්නන්නම් කෝ. ...දත්.......!
පූර්ණිමා ලක්මාලි
චුට්ටිගේ ලෝකය  








  
 
 

  


 


😄නිම්මි ගේ සිත පිරිලා
සිත සැහැල්ලු  වෙලා.
වසර තුනක්  ගොඩනැගුණු  ආදරයේ අග්‍ර ඵලය ෂෙහාන් අද ඇගේම වෙලා.

නිම්මි ගේ පියා විදුහල්පතිවරයෙක්. 
මව ලිපිකාරිණියක්.
පෞද්ගලික  ආයතනයක විධායක  නිලධාරිනියක් වූ වැඩිමහල් සොහොයුරිය
විවාහ වී අගනුවර ආසන්නයේ පදිංචි වෙලා
නිම්මි  යි අම්මයි තාත්තයි  විතරයි  ගෙදර හිටියේ.

නිම්මි ට  විශ්ව විද්‍යාල  යට යාම සඳහා  සුදුසුකම්  තිබුනත් උසස්  පෙල  සමත් වීමත් සමග  පෞද්ගලික බැංකුව ක ලැබුණු  රැකියාව  අත හරින්න බෑ කියන හැඟීමකුයි එයාට තිබුනේ.

😘ෂෙහාන් ව නිම්මි ට මුණ ගැහෙන්නේ ඇය රැකියාව ට ගිය මුල්ම දිනයේදී මයි
කාලයත් සමග ෂෙහාන් හා නිම්මි පෙම්වතුන් බවට පත්වෙනවා. 

☺නිම්මි ගේ තාත්තා විදුහල්පතිවරයෙක් නේ
නිම්මි හා අක්කා දෙදෙනාම  තාත්තා නිසාම බොහොම  ස්වයං පාලනයක්  සහිතව යුවතියන්  දෙදෙනෙක්. 
නිම්මිගෙත්  ෂෙහාන්ගෙත් ආදරය සිප වැළදගැනීමකට වඩා දුර නො ගියන්න නිම්මි  ප්‍රවේශම්  වුනා. 

 💑තරහ වීම් යාළු වීම් අතර ගෙවුන මේ දෙදෙනා ගේ ආදරයට වසර තුනකුත් ගෙවුනා. 
 ෂෙහාන් හා නිම්මි  අද නීතිය හමුවේ ඔවුනොවුන්ගේ බවට පත්වුනා.
 විවාහ  උත්සවය ට තව මාස තුනක්  තියෙනවා. 

දැන් නිම්මි , ෂෙහාන් හා ගෙවල් දෙකේ දෙමාපියන් බරටම වැඩ .

නිම්මි, ෂෙහාන් දෙදෙනා ගේ සිරුරුවල ආකර්ෂණය දෙදෙනා ට වඩ වඩා  දැනෙන්නට වුනා. තවදුරටත් හැඟීම් වලට තහංචි දමන්න බැරිවුණා. 💏
 නීතියෙන්  එක්වූ දෙදෙනා  සිරුරු වලින් එක්වෙන්න වැඩි කාලයක් ගියේ නෑ.
ෂෙහාන් කියලා දුන්න අමුතු  දේවල් වලට වසඟ වුනු නිම්මි ට දෙලොව රත්වුනේ මාස් ශුද්ධිය  සතියක්ම පරක්කු  වුනාමයි.

"අනේ ෂෙහාන් මට හරි බයයි මේ පාර තාම මෙන්සස් වුනේ නෑනේ "
නිම්මි ෂෙහාන් ට කිව්වම ෂෙහාන් ගේ පිලිතුර වුනේ 
"මොන මඟුලක්ද ලබන මාසේ wedding  එක ගන්නවනේ"
යන්නයි.
ගෙදරට හොරෙන් urine hcg බලපු නිම්මි  ඒක positive  වෙලා තියෙනවා දැක්ක ගමන් ආයෙත් ෂෙහාන් ට කතාකලා
ෂෙහාන්  ගේ සැනසිලි වදන් හමුවේ නිම්මි සැහැල්ලු  වුනා. 

නිම්මි ව මට මුණගැසෙන්නේ මගේ සීමාවාසික පුහුණුව අතර තුරේ මාතර මහ රෝහලේදීයි .
ලොකු බඩේ කැක්කුමක්  එක්ක ශල්‍ය වාට්ටුවට ඇතුලත් වූ නිම්මි වටයක් ගසා මා සේවය කල නාරිවේද වාට්ටුවට එන කොට සෑහෙන  අවධානම් අවස්ථාව ක සිටියේ. 
මොකද එයා pregnant  බව පවසා තිබුණේ නෑ.🙈

Scan පරීක්ෂණයකින් පසුව  ruptured  ectopic pregnancy  (ගර්භාෂයෙන් පිටත කලලය පැලෝපීය නාලයේ පිහිටීම නිසා  පැලෝපීය නාලය පිපිරී යාම) යන්න  තහවුරු  කරගත් ජේෂ්ඨ වෛද්‍ය නිලධාරි තුමා නිම්මි ව හදිසි ශල්‍ය කර්මයකට භාජනය කලා.🙉
ක්‍රමයෙන්  සුව අතට හැරුනු  නිම්මි අපිත් එක්ක බොහොම මිතුරුවුනා.
ෂෙහානුත් රෝගින් බලන්න එන හැම වෙලාවකම නිම්මි ව බලන්න  ආවා. 
 discharge වෙලා ගියේ wedding  එක ඉවර වෙලා අපිට cakes නුත් අරන් එන්න පොරොන්දු  වෙලා🎂

ටික කාලයකින්  මම සීමාවාසික පුහුණුවේ ඉතුරු මාස හය සම්පූර්ණ කිරීමට කායික  රෝග වාට්ටුවට මාරු වුනා. නිම්මි  ෂෙහානුයි cakes 🎂ගෙනාවද  හොයන්න  අමතක වුනා.

මම නැවත නාරිවේද  වාට්ටුවට  පැමිණෙන්නේ සීමාවාසික පුහුණුව ඉවර වුනාට පස්සේ  RHO period  එකේදි.
ඒ කාලය වෙනකොට මම මගේ පලවන බබා බලාපොරොත්තු වෙන් සිටි කාලය. 

දවසක් මමත් අපේ වාට්ටුවේ  හෙදියන්  දෙදෙනකු යි එයාලා off වුනාට පස්සේ। 12-2 මටත් වැඩක් තිබ්බේ නෑ
ඉතින් අපි shopping  කලා👜

"Doctor ට මතකද ectopic  එකක් එක්ක  අමාරු වෙලා වාට්ටුවට  ආපු නිම්මි  
අන්න එයත් shopping   ඇවිල්ලා "
රේණු මිස් කියනවත් එක්කම නිම්මි ලස්සන හිනාවක් එක්ක අපි ගාවට ආවේ
"හානේ  doctor  pregnant   ද" කියාගෙනමයි.
ඒත් එක්කම  රේණු මිස්,
 "කතා කරන්න එපා  doctor   ඔය බොරු කාරිත් එක්ක . 
කෝ අපිට  wedding  cakes  ගේනවා කිව්වා ට පැත්ත පලාතක ආවේ වත් නෑනේ "
  
 නිම්මි ගේ හිනාව බලා ඉන්න කොට ම වෙනස් වුනා.
ලොකු කල්පනාවකට වැටුන නිම්මි   
  කටහඩ  අවදි කලේ 
"cakes ගේන්න wedding  එකක් ගත්තේ නෑනේ. ෂෙහාන්  මාව දාලා ගියා මිස්
එයා කියන්නේ මට ආයේ බබාලා හදන්න බෑ කියලා "😔
 කියමින්. 
"ගොඩක්  දේවල් වුනා.
වුන ලැජ්ජාවට අපි මෙහෙ අතහැරලා  ගියා
දැන් ඉන්නේ අක්කලා ගේ ගෙදර
තාත්තා ට ආතතියට ප්‍රතිකාරය ගන්නත් වුනා
තාත්තා  retire වුනා
අම්මානම් නිවාඩු දාලා මාරුවීමක්  හදාගත්තා.
මට අනුකම්පා  කරලා මට ත් බැංකුවෙන් එහේ branch එකට හදලා දුන්නා 
අම්මයි තාත්තයි නිසා ඔළුව  කෙළින්  තියාගෙන  ඉන්නවා . 
පිරිමි සංහතියම එපාවෙලා ඉන්නේ
මෙහෙ ආපුවාම අම්මා  කියවන්න ගන්නවා.
ආසාවකට නෙවෙයි ඒකෙන් බේරෙන්න shopping   කලා."

අපිත් නිම්මි ත් එක්කම වෙළඳසලෙන් එලියට ආවා.
හැබැයි  අපි එයාට කියන්න අමතක කලේ නෑ 
එයාගේ එක පැලෝපීය නාලයක්  තියෙන බව
එයාට අම්මා කෙනෙක්  වෙන්න පුළුවන් බව.
එයා හිනාවුනා.
"මිනිස්සු කසාද එපාවෙලා තියෙන්නේ " නිම්මි ගේ පිලිතුර. 

 නිම්මි යි අම්මයි තාත්තයි එදා මාතර ඇවිත් තිබුනේ එයාලා  හිටපු ගේ විකුණන්න. 


ලොකු කාලයක්  ගතවුනා. 
අපේ ජීවිත වලත් ලොකු වෙනස්කම් වුනා. 💁අපි රත්නපුර ආවා. නිම්මි ව අමතක වෙන එක ඉතින්  අහන්න දෙයක්  නෙවෙයි  නේ.
ජීවිත කාලයක් තුල කොයිතරම් අය හම්බ වෙනවද

දැනට මාස දෙක තුනක් ඇති
මම එදා පුතාට පාසල්  ඇරෙනකම් පාසල ළඟට වෙලා හිටියා.
ලස්සන කාන්තාවක් දැකලත් පුරුදු වගේ
මම ඉන්න  තැනට ආවා👧
"මාතර හිටියා  වගේ මතකයි" එයා මාව ගාවට ඇවිත් එහෙමයි කිව්වේ.
"ඔව්"  මගේ පිලිතුර 
"doctor  නේද"
"ඔව්, මටත් ඔයාව දැකලා පුරුදුයි ඒ වුනාට කවුද කියලා මතක් වෙන්නේ නෑ"
"මම නිම්මි"
එහෙම  කිව්ව එයා මට ඒ අතීතය මතක් කරලා දුන්නා. 
රත්නපුර  ප්‍රදේශයේ මැණික්  වෙළඳ වයාපාරිකයෙක් ගේ බිරිඳ වූ නිම්මි දැන් දුවෙකුගෙයි,  පුතෙකුගෙයි අම්මා කෙනෙක් 
එයා ගේ දුව මගේ දෙවන පුතාට අවුරුද්ද ක් බාලයි.

නිම්මිට  නඳුන් ව  හමුවන්නේ  නිම්මි සේවය කල පෞද්ගලික  බැංකුවේ ප්‍රධාන ශාඛාවේදියි.  නඳුන් වයාපාරික කටයුත්තක්  සඳහා  බැංකුව ට ආපු වෙලාවක.
නිම්මිට නඳුන්  ව දුටු දිනයේම සසර පුරුද්දක සෙවණැලි දැනුනත් නිම්මි  දිගින් දිගටම නඳුන් ව ප්‍රතික්ශේප කලා.
හැබැයි  නඳුන්  නෙවෙයි අතහැරියේ.
නිම්මි ගේ සිතත් නඳුන්ව ඉල්ලන කොට නිම්මි  එයා ගැන  හැම දේම නඳුන් ට කිව්වා. 

"ඔයා ඔය ගැන නම් කරදර වෙන්නේ
මම ඒ හැමදේම  දන්නවා
මම ඒ හැමදේම හොයලා බලලා තමයි ඔයා ගාවට ආවේ
ඔයා ගේ කැමැත්ත  විතරයි මට ඕනේ
ඔයා කැමති නම් මට අද වුනත්  ඔයාලගේ ගෙදරින් අහන්න පුළුවන් "
නඳුන් ගේ උත්තරය ඒකයි.
 
ජීවිතයේ හැම හොඳ දෙයක්ම  හොඳ දෙයක් වගේ එන්නේ නෑ. 
නරක වගේ පේන දේවල් වලින් අපේ ජීවිතයේ නරක අයින් කරන වෙලාවල් නුත් තියෙනවා. 










 










Wednesday, December 19, 2018

💖අවධානමට පෙර සුදානම💖

සුනීතා  තරුෂි සමඟ මානසික රෝග විශේෂඥ වෛද්‍යවරයාගේ කාමරයෙන් නික්ම ගියේ හිතේ වූ විශාල බරත් සමඟයි.

එදත් කොයිතරම් නම් දුකක්  වින්දා ද
අද මම නිසා මගේ දුවත් කොතරම්  දුකක් විදිනවද?

තරුෂි ජයවර්ධනපුර විශ්වවිද්‍යාලයේ කළමනාකරණ  උපාධිය හදාරන තරුණියක් පුහුණුව සඳහා අගනුවර පිහටි  පෞද්ගලික  ආයතනයක ට බැඳෙන ඇයට එහිදී නෙත ගැටුනේ සුපුරුදු රුවක්.

හපෝ ආඩම්බරකාර  හේෂාන් !
 බස් එකේදි නිතරම හමුවුනත් කවදාවත් හිනාවක් නෑ     .

කාත් එක්කද මේ හේෂාන් හිනාවෙන්නේ ?
වටපිට බැලුවත් කවුරුත් නෑ.
මෙන්න දැන් එයා මේ පැත්තට එනවා කකුලුත් වෙව්ලනවා 😮
සිනාමුසු මුහුණින් පැමිණි හේෂාන්  කතාකලාම තරුෂි ට   හිතාගන්න බැරිවුණා.   හේෂාන් හා තරුෂි ආදරය වචනයෙන් නොකී ආදරවන්තයෝ බවට  පත්වුණේ කාලයටත් හොරෙන් 💑

හේෂාන් ගේ අම්මා ශාන්ති තරුෂි ට කොහෙත්ම කැමති වුනේ නෑ.
පවුල්  දෙක අතර කියන්න  නොගැලපීමකුත් නෑ.
ඇය බොහොම  කරුණාවන්ත  කාන්තාවක්
ඒත් තරුෂි ගැන නම්  පොඩි හෝ නැමීමක් නෑ.

තරුෂිත් හේෂානුත් දැනන් සිටියේ  තරුෂි  පොඩි කාලයේදී අසනීප වූ තරුෂිගේ  අම්මා රැකියාවෙන්  ඉවත් වෙන්න  පෙර එකම රක්ෂණ සමාගම ක සේවය කල බවත් ඔවුන් දෙදෙනා  හොදම යෙහෙළියන් වී සිටිය බවත් ය.
සුනිතා රැකියාවෙන් ඉවත් වූ පසු පෙර පැවති මිතුරු බව ඇඳුනුම්කමකට සීමාවිය . 

තරුෂි උපාධිය ලබාගත් පසු පෞද්ගලික බැංකුව කට සම්බන්ධ වී අගනුවරින් ඈත පිහිටි  ශාඛාවකට යන්නේ හේෂාන් ගේ සිතින් ඈත්වීමේ අරමුණ ත් නිසාවෙනි.

නමුත්  හේෂාන් ගේ බලකිරීම හමුවේත් ශාන්ති ගේ කරුණාවන්ත ආයාචනා අතරත් අසරණවන තරුෂි   වේදනා නාශනාශනපෙති අධික මාත්‍රාවක් ගන්නේ සියදිවි හානි කරගැනීමටත් වඩා පීඩනය දරා ගැනීමට නොහැකි වූ නිසාය. 
ප්‍රතිකාර වලින් පසුව  ඇය මනෝ වෛද්‍ය ප්‍රතිකාර සදහා යොමු කරනවා .

වෛද්‍ය වරයාගේ කාමරයෙන් නික්ම යන සුනීතා තරුෂි හා තරූෂ  පුංචි  කාලෙ ට සිත ගෙනියනවා .
යුධ හමුදා වේ සේවය කල මංගල හිටියේ කිළිනොච්චියේ .  තරුෂි ට අවුරුදු  හතරක් වෙනකොට තරූෂට අවුරුද්ද ක් .

තරුෂි ව දවා සුරැකුම් මධ්‍යස්ථානයටත් තරූෂව මහගෙදරටත් ඇරලන සුනීතා රැකියා වට යනවා.
ඒ කාලයේ තමයි සුනීතා තුන්වන වතාවටත්  ගැබ් ගන්නේ
සුනීතා  සහ  මංගල කලලය  ගබ්සා කරන්න ඕන කියන තීරණය  ගන්නේ පුදුමාකාර වේදනාව කින්.
ගබ්සාවෙන් දෙවන දවසේ මංගලට   නැවතත් කිළිනොච්චියට යන්න වෙනවා.
ගබ්සාවෙන් පසුව උණ හැදුන නිසා සුනීතා දරු දෙදෙනා ත් සමග මහගෙදර නවතිනවා
අම්මා උණට ප්‍රතිකාර  ගන්න  යන්න  කතාකලත් නීතිවිරෝධී ගබ්සාවෙන් පසුව ප්‍රතිකාර ගන්න යන්න සුනීතා බයවෙනවා.
. ඒත් හදිසියේම රෑ සුනීතාට හොදටම අසනීප වෙනවා .
වයසක අම්මා හා තාත්තා  ශාන්ති ට කතාකරපු  ගමන් ශාන්ති හා සුදත් ඇවිත් සුනීතා රෝහලට එක්ක යනවා
සුනීතා ට ආය මතකයට එනකොට  සුනීතා දැඩි සත්කාර ඒකකයේ .
බෙල්ල සිදුරු කරලා බටයකුත්  දාලා.
සති තුනක්  විතර සුනීතා දැඩි සත්කාර  ඒකකයේ  ඉදලා.

ඒ හැම දවසකම සුනීතා ව බලන්න  ආව ශාන්ති සුනීතා සුව වීමත් සමග සුනීතා ගේ ජීවිතයෙන්  ඈත්වෙන්න වුනා.

රැකියාවෙන් ඉවත් වෙන සුනීතා එයා වෙත වූ රෙදි මැසීමේ හැකියාව වයාපාරයක්  බවට පත් කරගන්නවා .

සිල් මාතා ආරාමයේ  සුමනා මෑණියන්  වහන්සේ  සැතපෙන්නයි ලෑස්ති වුනේ .
තරුෂි, හේෂාන් හා දරු තිදෙනා  සවස් වරුවේ ආරාමයට පැමිණ  සමුගෙන ගිය සැටි ඡායාවක් සේ මැවී පෙනුන සුමනා මෑණියන් ආයෙත් අතීතයට ගියා
එදා තරුෂි වෙනුවෙන්  මංගල හා සුනීතා  ශාන්ති හමුවට ගිය ගමන 💬
එදා තරුෂිට අකැමැති  වුවත්  ශාන්ති අද ඇයට දක්වන ආදරය දකිනා එදා  සුනීතා ව  සිටි සුමනා සිල් මෑණියන්ට වඩා සතුටු වෙන්නේ කවුද ?
සියලු  සත්වයෝ නිදුක් වෙත්වා, නිරෝගී වෙත්වා, සුවපත් වෙත්වා !
චුට්ටිගේ ලෝකය ❤

තව දුරටත්  මේ කතාව දිගට ගෙනියන්න  ඕන නෑ

👻නීති විරෝධී  ගබ්සා ව

💀ගබ්සා ව ලංකාව තුල නීතිවිරෝධී යි
💀නමුත්  ලංකාව තුල ගබ්සා කිරීම් වෙන්නේ නැද්ද
💀වර්තමානයේ  සිදුවන ගොඩක් මාතෘ මරණවලට හේතුව මේ නීතිවිරෝධි ගබ්සාව

💀ඇයි එහෙම වෙන්නේ
එක හේතුවක් තමයි නිවැරදි උපත් පාලන ක්‍රමයක් පාවිච්චි  නොකිරීම
💛
දරුවට කිරි දෙනවා වුනත් ඔයා නැවත ගැබ් ගන්න පුළුවන්.

💛දරුවෝ ලොකු වුනත් ඔයා නැවත ගැබ් ගන්න පුළුවන්

💛සැමියා ඈතක සේවය කලත් ඔයාගේ සරුකාලයේ එකතු වෙන්නේ නෑ කියලා හිතුවත් සරු කාලය වෙනස් වෙන්න පුළුවන්
ඒ නිසා ඔයා ගැබ් ගන්න පුළුවන්

💛සැමියා නැතිවුන හෝ අත්හැර තනිවූ ඔයා අතවරයට  ලක් වීමේ අවධානම ක ඉන්නේ
අතවරයකට ලක්වූ අයෙක් ක්‍රියා කරන ආකාරය ගැන  පූර්ව නිගමනයකට එන්න බෑ
ඒ නිසා  ඔයා ගැබ් ගන්න පුළුවන් 

💚සැමියා යුධ හමුදා  සේවයේ යෙදී සිටින කාන්තාවක්  නීතිවිරෝධී  ගබ්සාවෙන් පසුව රෝහල් ගතවී දැඩි සත්කාර  ඒකකයේ දි මරණයට පත්වූ අයුරු මම මීට වසර දහයකට පෙර අත් වින්දා।               
   ඇය රෝහල් ගතවුනේ septic shock  අවස්ථාවේ
අනෙක්  කාරණය  තමයි ගබ්සාවක්  කරගත් කාන්තාවක් රෝහලට පැමිණෙන්නේ අන්තිම අවස්ථාවේදී
ජීවිතය බේරා ගැනීමට තියෙන අවස්ථාව  ඒ වෙලාවට හොදටම අඩු වෙන්න පුළුවන්.
ඒ වගේම  රෝහලට පැමිණි  පසු සත්‍ය  සඟවනවා
අහලා තියෙනවද වෛද්‍ය වරයාටයි නීතිඥයාටයි කිසි දෙයක්  හංගන්න  හොද නෑ කියලා
මොකද  ඔයාලා දෙන තොරතුරු  මත ප්‍රතිකාර  තීරණය වෙනවා.


💚ගිය වසරේ මට අහන්න  ලැබුනා සැමියා මිය ගිය කාන්තාවක්  නීතිවිරෝධී  ගබ්සා ව නිසා මරණයට පත්වුන පුවතක්.
එයා සිටි  ප්‍රදේශයෙන්  අතුරුදහන් වෙලා තිබුනා
පසුව ගමේ අයට ආරංචි  වුනේ මරණය.
අවුරුදු පහක දරුවෙක් ගේ මවක්
එයා අතවරයකට ලක්වෙන්න ඇති.

💚මෑත කාලයේ උගත් කාන්තාවක් ගබ්සා කිරීමකින් පසුව දැඩි සත්කාර  ඒකකයේ  ඉන්න කතාවක් ආරංචි වුනා.

💛ඔයාලට සුදුසු  උපත් පාලන ක්‍රමය  ඔයාලාට තීරණය කරන්න පුළුවන්
💛පවුල් සෞඛ්‍ය සේවා  නිලධාරිනියන් හෝ වෛද්‍ය වරයෙක් ගේ උදව්වෙන් ඔයාලට පුළුවන් ඔයාලට අවශ්‍ය  පවුල් සැලසුම් ක්‍රමය තෝරගන්න

💙හදිසි උපත් පාලන පෙති,
💙ගිලින පෙති,
💙නික්ෂේපන,
💙ලූප්,
💙ජඩෙල්
💙කොන්ඩම්
 ඔය ඕන එකක් පාවිච්චි කරන්න  පුළුවන්
💙ස්ථිර ක්‍රමයක් ලෙස LRT. කරන්න පුළුවන් 

අවධානමට පෙර සුදානම් වෙන්න 💜💜💜💜
චුට්ටිගේ  ලෝකය ❤

Monday, June 11, 2018

දරුවන් රැක ගැනීම

💱post එකක් දැක්කා බබාට රුපියලේ  කාසියක් ගිලිලා මොකද කරන්නේ කියලා
දැන් තියෙන  රුපියලේ කාසිය නම් පොඩියි ගොඩක් වෙලාවට හිරවෙන්නේ නෑ
🔕ඒත් හිරවෙන බබාලත් ඉන්නවා 

📚මගේ අත්දැකීම්  කිහිපයක්  බෙදාගන්නම් මේ වගේ අවස්ථාවක කරන දේ කියන්න කලින් 
🎈ටිකක් ලොකු පුතෙක් අවුරුදු 16  ක විතර පෑනක පිටුපස කොටස කටේ තියාගෙන ඉදලා
එක පාරටම  ගිලිලා
එයා හොදට ඉන්නවා
ඒත් ගෙදරට කිව්වම කෝකටත් කියලා රෝහලට එක්ක ඇවිත්
බලන කොට එක පැත්තක පෙනහැල්ලකට වාතය එනවා අඩුයි
පෑනේ කොටස හිරවෙලා තියෙන්නේ ආහාර මාර්ගයේ නෙවෙයි ස්වශන මාර්ගයේ

🎈රෙදි වැල්වල රෙදි රදවන්න ගන්න  කටු ඔයාලා දැකලා ඇති අවුරුදු පහක පමණ දරුවෙක් මේ කටුව ගිලලා
ආහාර මාර්ගය  (oesophagus ) සිදුරු වුනා
මේ දරුවා දැඩි සත්කාර ඒකකයෙත් ඉදලා ආහාර මාර්ගය සදහා ලොකු ශල්‍ය කර්මයක් කරන්නත් වුනා

🎈තව දුවක් අවුරුදු හතක විතර ඒත් පෑනක කොපුවක් සෙල්ලමට ගිලලා
එයාට  ඒ වෙලාවෙම අමාරුවෙලා
ළඟම තියන මූලික රෝහලට ගෙනිහිල්ලා පරක්කු වෙලත් නෑ
යනකොට සිහිය නෑ
එතනින් ඒ දුවව කෘතිම ස්වශනයත් සමග මහ රෝහලට  යවලා
.  එතනදී පෑන් කොපුව අයින් කලා.
ඉස්සර  හොදට හිටපු ඒ දුව දැන් මොලය කොටසක් මැරුන තත්ත්වයට පත්වෙලා
මොකද  පෑන් කොපුව එයාගේ  ස්වශන මාර්ගයටයි ගිහිල්ලා  තියෙන්නේ ඒකෙන් ස්වශන මාර්ගය block  වෙලා 

🎈තව අවුරුදු  දෙකක විතර දරුවෙක් උණ කන්නේ නෑ
බෙල්ල හොලවන්නේ නෑ කෙලත් ගලනවා
x-ray ගත්තම retropharyngeal abscess 
අම්මා දවස් තුන හතරකට පෙර මාළු දීලා මාළු කටුවක්  ඇනිලා බබාට කියන්න  තේරෙන්නේ නැහැ 

🎈තව දරුවෙකුට  මොනවා කලත් කැස්ස අඩුවෙන්නේ නෑ
xray ගත්තම ස්වසන මාර්ගයේ යමක් හිරවෙලා
කවුරුත්  දන්නේ නෑ 
 
✏ගොඩක්ම  ළමයි එන්නේ කාසි ගිලිලා
සමහර වෙලාවට  පොඩි කාසි කක්කත් එක්ක යනවා
සමහර වෙලාවට හිරවෙනවා හිර වුනොත් සිහි නැති කරලා ගන්න ඕන
ඒ නිසා  රෝහලට එක්ක යන්න 

✏ඊලගට මාළු කටු 
රෝහලට එක්ක යන්න 

✏සෙල්ලම් බඩු වල තියන පොඩි බැටරි 
මේවා  ආහාර මාර්ගය තුවාල කරනවා අනිවාර්යයෙන්ම රෝහලට යන්න 

✏ කාන්දම්  දෙකක් හෝ කාන්දමක් සමග ලෝහ දෙයක් ආහාර මාර්ගය තුවාල කරනවා 
රෝහලට යන්න 

✏තියුණු උපකරණ  ආහාර මාර්ගයේ තුවාල සිදු කරනවා। ඉක්මනින්
රෝහලට යන්න 

✏පොඩි පොඩි මොට දේවල් ආහාර මාර්ගයට හානියක් කරන්නේ නැහැ 
ඒ වුනත් චූටි බබෙක් ගිලිනවා දැක්කොත් වෛද්‍ය උපදෙස් ගන්න ස්වශන මාර්ගයේ හිරවෙන්න පුළුවන් 

🎠සමහර වෙලාවට ඔයාලා නොදැනුවත්ව බබාලා යම් යම් දේවල් ගිලිනවා 
🎠බබාලා ගැන  අවධානයෙන් ඉන්න 
🎠බබාලට ඒ වගේ පොඩි දේවල් අහුනොවෙන්න තියන්න 
🎠පොඩි පොඩි කෑලි ගැලවෙන සෙල්ලම් බඩු දෙන්න එපා
🎠පොඩි බැටරි තියෙන සෙල්ලම් බඩු දෙන්න එපා
🏩🏩බබාලා ගේ ආරක්ෂාව දෙමව්පියන් ගේ වගකීමක් 





Sunday, May 27, 2018

පෞද්ගලික අංශය මගින් ලබාදෙන එන්නත්

🍁🍁🍁පෞද්ගලික අංශයෙන් ලබාගත හැකි එන්නත්

💜Varicella Zoster vaccine
  chicken pox නැත්නම් පැපොල රෝගය වලක්වා ගැනීම සඳහා මෙම එන්නත දෙනු ලබයි
🍂මාස 12 සිට මාස 15 අතර කාලයේ එක එන්නතකුත් අවුරුදු 4 සිට 6දක්වා දෙවන එන්නතත් ලෙස විදිය යුතුයි
🍂මාස 12 -15 අතර කාලයේ මෙම එන්නත ලබා නොදුන් අවුරුදු 12 ට අඩු දරුවෙකුට පලවන එන්නතින් මාස තුනකට පසුව දෙවන එන්නත දෙන්න ඕන
🍂අවුරුදු 12 න් පසුව සති 6 සිට10ක් ඇතුලත එන්නත් දෙකක් වශයෙන් ලබාදිය යුතුයි
🍂මෙම එන්නත පෞද්ගලික  අංශයෙන් එන්නත් ලබාගන්න  කෙනෙක්නම් අනෙත්  එන්නත්  එක්කම.එක දවසේ තැන් දෙකකට වෙන වෙනම ලබාගන්න පුළුවන්
🍂එහෙම  නැත්නම්  අනෙක් එන්නතකින් මාසයකට වත් පරතරයක් සහිතව ලබාගත යුතු යි

💜Influenza vaccine
  මේ දවස්වල  වැදගත් වන තවත් එන්නතක්
🍂මෙම එන්නත මාස හයෙන් අඩු බබාලට දෙන්නේ නෑ
🍂මාස හයේ සිට අවුරුදු තුන දක්වා සාමාන්‍ය අයට දෙනවා වගේ බාගයක් තමයි දෙන්නේ
🍂අවුරුදු නවය දක්වා මීට පෙර මෙම එන්නත ලබාදුන්  නැති දරුවන් ට මාසයක පරතරය සහිතව එන්නත් දෙකක් ලෙස ලබාදිය යුතුයි
🍂අවුරුදු නවයෙන් පසුව එක එන්නතක් පමණක් ලබාදිය හැකියි
🍂ඒවුනත් මෙහි ආරක්ෂාව පවතින්නේ අවුරුද්දයි
වසරක් පාසා මෙම එන්නත  ලබාගත යුතුයි
🍂මෙය බොහෝ දුරට වැදගත් වන්නේ ප්‍රතිශක්තිය අඩු වැඩිමහළු පුද්ගලයන්ට හා දීර්ඝකාලීන  රෝග තත්ත්වයන් තියන පුද්ගලයන් සඳහා යි

💜pneumococcal vaccine
   පොඩි අයට විදින්නේ  pneumococcal conjugate vaccineඑක
🍂මේ vaccine එක 2, 4, 6 යන මාස වලදී අනිත් එන්නත් එක්කම විදින්න ඕන
🍂එතකොට අනෙක් එන්නත ත් පෞද්ගලික අංශයෙන්ම ලබාගත යුතුයි
🍂මේ කාලයේදි විදින්න බැරිවුනොත්
මාස  7න් පසුව පලවන එන්නත විද්දොත් ආය සති 4කින් දෙවන එන්නතත් බබාට  අවුරුද්දෙන් පස්සේ තුන්වන එන්නතත්  විදිය යුතුයි
🍂අවුරුද්දෙන් පසුව පලමු එන්නත විදිනවනම් මාස දෙකකට පසුව තවත් එන්නතක් විදිය යුතුයි
🍂අවුරුදු 2 සිට 5 දක්වා එක එන්නත ක් ප්‍රමාණවත්
මෙයින් ලැබෙන ප්‍රතිශක්තිය අවුරුදු තුනකට  ප්‍රමාණවත්.
🍂flu   කියන තත්වයන් පවතින කාලවලට වැදගත්ම එන්නත මෙයයි
🍂මේමගින් secondary infection වලක්වනවා
💞💞life saving

💜Rota virus එන්නත

අවුරුදු  තුනට අඩු බබාලා ට පාචනය හා විජලනය හැදෙන්න ප්‍රධාන හේතුව මේ Rota virus එක කියලයි සැළකෙන්නේ.
නමුත්  ලංකාවේ මේ නිසා වන මරණ සංඛ්‍යාව නම් අනෙක් රටවල් එක්ක බලනකොට ගොඩාක් අඩුයි
මේ සදහා එන්නත් වර්ග දෙකක් තියෙනවා
ලංකාවේ තියෙන්නේ live attenuated oral vaccine එකක් මුඛයෙන් දෙන්නේ
🍂සති හයට වැඩි බබාලට දෙන්න පුළුවන්
🍂සති හතරකට පස්සේ ආය දෙන්න ඕන
🍂සාමාන්‍යයෙන් දෙන්නේ මාස දෙකේදී  හා හතරේදි අනෙක්  එන්නත් සමග

💜Hepatitis A එන්නත

මේ ආහාර මගින් ඇතිවන හෙපටයිටිස් සදහා දෙනු ලබන එන්නතයි
🍂අවුරුදු දෙකට වැඩි අයට දෙන්නේ.
🍂පලවන එන්නත දීලා මාස හයේ මාස දොලහ දක්වා තව එන්නතක් දෙන්න ඕන
මීට පෙර රාජ්‍ය අංශය මගින් දෙනු ලබන එන්නත් ගැන සදහන්  කලා infantrix hexa ගැන එහි සදහන් හවසට link එක දාන්නම්
චුට්ටිගේ ලෝකය 🌼🌻🌼

Saturday, May 26, 2018

රාජ්‍ය අංශයෙන් ලබාදෙන එන්නත්

🍁🍁🍁රාජ්‍ය අංශයෙන් ලබාදෙන ප්‍රතිශක්තිකරණ එන්නත්🍁🍁🍁

💚අපේ රාජ්‍ය අංශයේ රෝහල් වල හා සෞඛ්‍ය වෛද්‍ය නිලධාරි කාර්යාල මගින් ලබාදෙන එන්නත් වගේම
💚පෞද්ගලික අංශය මගින් ලබාදෙන 
එන්නත් කිහිපයකුත් තියෙනවා.

💚අපි මුලින්ම බලමු රාජ්‍ය අංශයෙන් ලබාගත හැකි එන්නත් මොනවද කියලා

💜BCG එන්නත 
         බබා ඉපදිලා පැය 24  ක් ඇතුලත මේ එන්නත ලබා දෙනවා
TBනැත්නම් ක්ෂය රෝගය වලක්වා ගැනීමට මේ එන්නත ලබාදෙනවා
හැබැයි මේ එන්නත නිසා Primary TB කියන පෙනහළු වලට ඇතිවන තත්ත්වය වැලකෙන්නේ නෑ
TB meningitis  හා milliary TB කියන තත්ත්වය න් වලක්වා ගන්න පුළුවන් 


💜OPV, Pentavalant and IPV

             2,4 යන මාස වලදී මේ එන්නත් ලබාදෙනවා
6 වන මාසයේදී OPV, Pentavalant යන එන්නත් දෙක ලබාදෙනවා 

💜18වන මාසයේදී OPV සමග DTP ලබාදෙනවා (ඉස්සර ඉදන්ම  දෙන TRIPLE එක)

💜අවුරුදු  5 දී OPV හාDT ලබාදෙනවා 

💜අවුරුදු 12දී aTD ලබාදෙනවා

💛පෝලියෝ බිංදු හා පෝලියෝ විදින එන්නත
පෝලියෝ බිංදු වලින් පෝලියෝ බෝවීම  වලක්වනවා
පෝලියෝ විදින එන්නත මගින් පෝලියෝ රෝගය සෑදීම  වලක්වනවා 
පෝලියෝ දැන ට ලංකාවේ  වාර්තා  නොවුනත්  කලාපයේ අනෙක්  රටවල්වල  පවතින නිසා මේ එන්නත් ලබාගන්න  ඕන

💛Pentavalant එන්නත
 ගලපටලය , කක්කල් කැස්ස , පිටගැස්ම , හෙපටයිටිස් B  සහ Haemophyllus influenza type b වලින් දරුවන්ට ඇතිවන නියුමෝනියා හා meningitis රෝග වැලැක්වීමට යොදා ගනී

💛පෞද්ගලික අංශයේ infantrix  hexa යන නමින් පෝලියෝ ත් එකතු කරලා ඉහත සඳහන් ඉතිරි රෝගත් වැලැක්වීම  සදහා  එක එන්නතක් ලෙස මාස දෙක  හතර  හය හා දහ අටේදි  ලබාදෙන වා

💜DTP 
ගලපටලය, පිටගැස්ම, කක්කල් කැස්ස යන රෝග වැලැක්වීමට 

💜DT
ගලපටලය  හා පිටගැස්ම රෝග වැලැක්වීමට 

💜aTD
 පිටගැස්ම හා ගලපටලය සදහා 

මේ එන්නත් වලින් අවුරුදු දහයක ආරක්ෂාවක් තමයි ලැබෙන්නේ . 

පිටගැස්ම එන්නත 
    💕💕💕💕වැදගත්ම දේ  තමයි පිටගැස්ම එන්නත , මේ එන්නත්  නියමිත පරිදි ලබා දී ඇත්නම්  මේ එන්නත් අතර තුර කාලයේදිවත් අවුරුදු  12දී දෙන පිටගැස්ම එන්නතින් අවුරුදු 10 ක් යනතුරු සාමාන්‍ය තුවාලයක් සදහා පිටගැස්ම එන්නත ලබාදිය යුතු නැහැ.
නමුත්  contaminated තුවාලයකට පිටගැස්ම එක එන්නතක්  ලබාදිය යුතුයි 

මේ එන්නත් නියමිත පරිදි  ලබාදී නැත්නම් සාමාන්‍ය  තුවාලයකට වුවත් පිටගැස්ම එන්නත පලවන දවසේ නැවත සති 4 කින් මාස 6 කින් අවුරුදු 5 කින්  හා අවුරුදු  10 කින් ලබාදිය යුතුයි
💞💞💞ගර්භනී කාන්තාවන් සදහා පලවන ගර්භනී අවධියේදී සති12 න් පසුව පලමු එන්නත ත් එයින් සති 6  සිට 8 දක්වා දෙවන එන්නතත් ලබාදෙයි
දෙවන  , තුන්වන හා හතරවන ගර්භනී අවස්ථා සදහා එන්නත් එක බැගින්   සති12  න් පසුව ලබාදෙයි
ඊට පසු ගර්භනී අවස්ථා සදහා පිටගැස්ම එන්නත  අවශ්‍ය වන්නේ නැත
පොඩි කාලයේ පිටගැස්ම සදහා එන්නත් හයම ලබාගත් කෙනෙකුට අවුරුදු 10ක් නම් අන්තිම පිටගැස්ම එන්නතට එක එන්නත ක් ලබාදුන්නම ඇති.

💜හෙපටයිටිස් B එන්නත
      2, 4, 6 යන මාස වල විදින මෙම එන්නත මගින් ජීවිත කාලයටම අවශ්‍ය  ප්‍රතිශක්තිය ලබාදෙනවා 
නමුත්  පුද්ගලයන් මත වෙනස් වන නිසා හෙපටයිටිස්  B ආසාදනයක් වෙන්න පුළුවන්  අවස්ථාවක ශරීරයේ ප්‍රතිදේහ ප්‍රමාණය  අනුව නැවත එන්නත ලබා දිය යුතුයි 
මේ එන්නත 2003 වර්ෂයෙන් පසුව උපන් බබාලට පමණයි ලබාදුන්නේ. 
මෙම එන්නත ඕනම වයසක කෙනෙකුට විදින්න පුලුවන්
පලමු එන්නතින් මාසයකට පසුව දෙවන එන්නතත් මාස හයකට පසුව තෙවන එන්නතත්  වශයෙන්.
හෙපටයිටිස් B ආසාදනය වන්නේ ශරීරයේ පවතින තරල මගින්
 රුධිරය මගින් 
අනාරක්ෂිත  ප්‍රජනන ක්‍රියා මගින් 
විදින කටු මගින් 
ලෝකයේ  සමහර ප්‍රදේශවල මේ රෝගය බහුලව වාර්තා වෙනවා 
එම ප්‍රදේශවල ට යාමට පෙරත් ඉහත ආකාරයේ  දෙයක් සදහා hepatitis B ආසාදිත පුද්ගලයෙකුට  නිරාවරණය  වුනොත් හෝ හෙපටයිටිස් Bආසාදිත මවක් බිහිකල දරුවෙකු  සදහා 0,1,2 මාස වලදී හා අවුරුද්දේදී මෙම එන්නත ලබාදිය යුතුය 

💜Haemophyllus influenza B vaccination 
2, 4, 6 යන මාස වලදී මෙම එන්නත  ලබාදෙනවා 
ඉහත සඳහන් බැක්ටීරියාව නිසා  කුඩා දරුවන්ට  ඇතිවන නියුමෝනියාව හා meningitis රෝග වැලැක්වීමට 
පලවන අවුරුද්දේ මග හැරුන බබෙකුට දෙවන අවුරුද්දේ එක එන්නතක් ලබාදුන්නම ඇති

💜MMR එන්නත
සරම්ප, කම්මුල් ගාය , රුබෙල්ලා යන රෝග වලින් වැලකීමට මෙම එන්නත මාස 9 දී හා අවුරුදු 3 අවසානයේදි ලබාදෙනවා
ඊට අමතරව අවුරුදු 13 ත් 44 ත් අතර ගර්භනී නොවන කාන්තාවන්ට ලබාදිය යුතුය 

💜JE එන්නත
අවුරුද්ද පිරුණු  බබාලට එක එන්නතක් ලෙස ලබාදෙයි

💜HPV එන්නත
   හයවන ශ්‍රේණියේ ඉගෙනුම ලබන සියලුම දැරියන්ට අනාගත පරපුරේ ගැබ්ගෙල පිළිකා වැලැක්වීමට මාස හයක් ඇතුලත එන්නත් දෙකක් වශයෙන්  ලබාදෙයි














  

  

Monday, May 21, 2018

බෝ නොවන රෝග හා තෙල් භාවිතය

බෝ නොවන රෝග ගැන කතා කරන්න හිතුවා
cholesterol, heart attack, fatty liver, අංශභාගය මේ දේවල් ගැන

🍀fatty liver( අක්මාවේ තෙල් තැන්පත් වීම) සහ cholesterol

මේක ගොඩක් අයට තියන problemඑකක්
group එකෙත් දැනුවත්ව ඉන්න අයත් ඉන්නවනේ
නොදැනුවත් අය ඊට වඩා ඇති

🍀cholesterol කියන්නේ heart disease , stroke (අංශභාගය) කියන දේවල් වලට මූලික හේතුවක්

🍀ඒ වගේම non alcoholic liver disease කියන එක fatty liver ඉදන් අක්මාවේ පිලිකාව දක්වාම යන්න පුලුවන්
✔ගත යුතු❌ නොගතයුතු ආහාර එකිනෙකට සමාන නිසා එකටම ලියන්න හිතුවා

❌🍗☕saturated fats කපා හරිමු
සන්තෘප්ත මේදයෙන් LDL කොලෙස්ටරෝල් වැඩි වේ. ඔබේ මුළු දෛනික කැලරිවලින් සියයට 7 කට වඩා ගන්නා සංතෘප්ත මේදය අඩු විය යුතුයි(ඔබ දිනකට කැලරි 2000 කන්න නම්, මෙම සංතෘප්ත මේද 15.5 ට වඩා අඩු ග්රෑම් වේ.) 🌞සංතෘප්ත මේදය අඩංගු ආහාර වන්නේ full cream milk හා කිරි නිෂ්පාදන, බටර්, රතු මස්, චොකලට් සහ ෆාම් ඔයිල් වගේ දේවල්

❌🍟🍩Trans fats නුත් අයින් කරමු
එළවළු තෙල් සඳහා හයිඩ්රජන් එකතු වූ විට trans fats නිර්මාණය වේ. මේවා කල්තබා ගැනීමමේ හැකියාව වැඩියි. නමුත් සංතෘප්ත මේදවලටත් වඩා මේවා හානිකරයි.  මෙම මේද පමණක් LDL කොලෙස්ටරෝල් වැඩිකරනවා වගේම හිතකර HDL කොලෙස්ටරෝල් අඩුකරන නිසා. බොහෝ විශේෂඥයන්  මුලුමනින් ම trans fats වලින් වැළකී සිටීම සුදුසුයි කියලා තමයි කියන්නේ
🌞trans fat වඩාත්ම අඩංගු ආහාර වන්නේ මාජරින්, කෙටි ආහාර, සැකසූ ආහාර හා  fried foods වගේ දේවල්, පොල් තෙල් නැවත නැවත පාවිච්චියෙදිත් මේ trans fats හැදෙනවා.

❌🍮සීනි පිටි අධික ආහාර වලින් වැලකෙන්න ඕන ඒවානම් ඉතින් දන්නවනේ

✔🐡ආහාර වේලට  අසංතෘප්ත මේද (polyunsaturated හා monounsaturated)  එකතු කරගනිමු
polyunsaturated හා monounsaturated මේද දෙකම ඔබ ඔබේ ආහාර වේලට සංතෘප්ත හා trans fats වෙනුවට  භාවිතා කරන විට, ඔබගේ රුධිරයේ කොලෙස්ටරෝල් මට්ටම අඩු කරගත හැකියි.

🌽තල, සෝයා, ඉරිඟු සහ සූරියකාන්ත-බීජ තෙල් වල-  polyunsaturated fats අඩංගු වේ.
ඔමෙගා 3, polyunsaturated fats වර්ගයසැමන්, ටූනා මැකරල් වැනි මාළු වර්ගවල දක්නට ලැබේ. ඔලිව්, කැනෝලා, සූරියකාන්ත හා රටකජු තෙල්,අලිගැටපේරවලmonounsaturated මේද අඩංගු වේ

✔සෞඛ්ය සම්පන්න ආහාර වේලක් සමග, නිතිපතා ශාරීරික ක්රියාකාරකම් කිරීම ලේ වල කොලෙස්ටරෝල් මට්ටම අඩුකිරීම සඳහා උදව් වෙනවා.

✔🍎🍏කෙඳි සහිත ආහාර වැඩියෙන් කමු.
කෙඳි සහිත ආහාර වැඩියෙන් අනුභව කිරීම ඉතාමත් හොඳ දෙයක්, එයින්LDL කොලෙස්ටරෝල් අඩු කර ගත හැකියි. කෙසේද? එය බඩවැල් තුළ LDL අවශෝෂණය කර ගැනීම අඩු කරයි.
කෙදි සහිත ආහාර වන්නේ oatmeal,බෝංචි ඇට, ඇපල්, පෙයාර්ස්, බාර්ලි සහ පොලොස්වගේ දේවල්.

✔🍌ශාක sterols නුත් cholesterol අඩුකරනවා. එළවළු, ඇට වර්ග, බීජ, ධාන්ය වර්ග, රනිල කුලයට අයත් බෝග හා එළවළු තෙල්, බොහෝ පලතුරුවල මේවා තියනවා.

cholesterol තියන කෙනෙක් නම් කොහොමත් පොල් තෙල් වෙනුවට ඉහත සදහන් තෙල් වර්ග පාවිච්චි කරන්න
පොල් blend කරලා කිරි ගන්න එපා
දෙවන තුන්වන කිරි පාවිච්චි කරන්න
මේ දේවල් තියනවනම් (cholesterol, heart disease and අංශභාගය, දියවැඩියාව ,අධි රුධිර පීඩනය)  නියමිත කාලවලදි check up& regular treatment ගන්න ඕන.

සුදුළූණූ,කුරුදු, කරපිඅංචා ,ගොරකා වගේ දේවල් වැඩිපුර කෑමට එකතු කරගන්න

බෝනොවන රෝග හා ලුණු භාවිතය

ගොඩක් දවසක ඉදන් හිතන් හිටියා බෝ නොවන රෝග ගැන කථා කරන්න
මේ ලිපිය මම ලියන්නේ  harward university එකේ web site එකේ පලවූ ලිපියක් උදව් කරගෙන
මේකෙන් කියලා තියෙන්නේ ලුණු ,සෝඩියම් භාවිතය ගැන
අවුරුදු 50 ට වැඩි අයට
දියවැඩියාව
අධි රැධිර පීඩනය තියෙන අයට ලුණු කොහොමත් හොද නෑ

වැඩිපුර සෝඩියම් ගත්තොත් ඒක තනුක කරන්න ලේවල වතුර වැඩියෙන් තියාගන්නවා එතකොට heart එකට වැඩ වැඩි වෙනවා මේ නිසා blood pressure වැඩි වෙනවා, heart attack ,අංශ භාගය ,වකුගඩු රෝග ඇතිවෙනවා
ඊට අමතරව පිළිකා, osteoporosis වගේ රෝග වලටත් මේක හේතු වෙනවා

කොහොමද අපි ලුණු අඩු කරන්නේ
රුධිර පීඩනය වැඩි වෙන්න පටන් ගන්නේ  පොඩි කාලේ ඉදලමයි. ඒනිසා ලුණු අඩු කරන්න ඕනෙත් චූටි කාලේ ඉදලමයි
අවුරුද්දට අඩු බබාලට කොහොමත් ලුණු සහිත ආහාර දෙන්න එපා
හැබැයි මේ ලොකු අපිත් ලුණු භාවිතය අඩු කරන්න ඕන

සකස් කල ආහාර වලින් වැලකෙන්න ඕන
ලුණු රස නැති සකස් කල ආහාරවලත්ලොකු සෝඩියම් level එකක් තියනවා
මේවලට අයිති වෙනවා crackers ,චීස්,ටින්කල ආහාර, breakfast cereal, (ගොඩක් අය cerealගැන අහනවා මේකෙන් උත්තරයක් ලැබෙයි කියලා හිතනවා),restaurant foods

ලුණු චුට්ටක් (30%)අඩු වුනාට අපේ taste buds වලට ඒක දැනෙන්නේ නෑ
අපේ home made foods වල ලුණු චුට්ට චුට්ට අඩු කලොත් ගෙදර අය ලුණු අඩුයි කියලා කියන එකක් නෑ මේකනම් මං අද කලා no complaints.
citrus වලිනුත් මේ taste buds ම stimulate වෙනවා දෙහි , දාලා සලාද හදලා දෙන්න
පොටෑසියම් වැඩි ආහාර ගන්න ඕන නැවුම් එලවලු ,පලතුරු වගේ දේවල්
healthy fats, තෙල් වර්ග ගන්න
USA වල ඉන්න අය සෝඩියම් වැඩියෙන් ගන්න ආහාර 10ක් ඒ ලිපියේ සදහන් කරලා තිබ්බා
පාන් රෝලස්,  pizza,චීස්,chips, popcorn,සුප් වර්ග, sandwiches,  සකස් කල මස් වර්ග, pasta dishes ලංකාවේ නම් කරවල වගේදේවල් නුත් එකතු කරන්න පුලුවන්

Saturday, May 19, 2018

😷මේ දවස්වල  පවතින දරුවන්ට මාරාන්තික වූ උණ රෝගය  adenovirus ආසාදනය ක් ලෙස සදහන්  වන්නේ

😷Adenovirus එකකින් සාමාන්‍ය හෙම්බිරිස්සාවක් වගේම ලොකු
 නියුමෝනියා තත්ත්වයක් වුනත්  ඇති වෙන්න පුළුවන්  mild to severe  infection

😷මේ වයිරස් එක නම් බොහොම සැර වයිරස් එකක්  වෙන්න ඕන virulent

😷adenovirus ආසාදනය  නිසා  ඇතිවන රෝග ලක්ෂණ වන්නේ

🍀සාමාන්‍ය හෙම්බිරිස්සාව
🍀උණ
🍀උගුර  කැක්කුම

🍁🍁Bronchitis ඒකියන්නේ අපේ පෙනහළු වල ඇතුලේ තියෙන පෙනහළු වලට වාතය ඇතුළු වන නාල ආසාදනය වීම
මේ නිසා මේ නාල ඇතුලේ සෙම පිරෙනවා වගේම මේ නාල හැකිළීමකට ලක් වෙනවා අපේ ශ්වසන පද්ධතිය ම block වෙනවා
🍁එතකොට  කැස්ස  හා හුස්ම ගැනීමේ අපහසුතාවයක් ඇතිවෙනවා wheezingවගේ
අහන්න ලැබුණු විදියට මේ  දවස්වල තියන Adenovirus එකෙන් ඇතිකරන්නේ මේ වගේ තත්ත්වයක්
මේ තත්ත්වය නියුමෝනියා දක්වා  වර්ධනය වෙනවා
මේ තත්ත්වය තමයි භයානකම 🍁🍁

🍀පාචනය
🍀ඇස් ලෙඩ
🍀උදර වේදනාව
🍀මූත්‍රා  ආසාදන මේ වයිරස් එක මගින්  ඇතිකරනවා

🍁🍁වැඩිහිටි  කෙනෙක් ට ඇතිවන සෙම්ප්‍රතිශ්‍යාව නිසා දරුවෙකුට bronchitis හැදෙන්න  පුළුවන්

🍂මේ වයිරසය අත් ඇල්ලීමෙන්
🍂වාතය මගින් කැස්සෙන් කිවිසුම් මගින්  පැතිරෙන්න පුළුවන් 
🍂 සමහර වේලාවට ආහාර හා වතුර මගින් බෝවෙන්න පුළුවන්

☝මේ දිනවල පවතින  උණ හෙම්බිරිස්සාව දැනුවත් වෙන්න ☝

🌻දකුණු පළාතේ මේ දිනවල උණ හෙම්බිරිස්සාව කැස්ස  නිසා දරුවන්  මිය යන බව අද පුවත්පත් වල දකින්න තිබුනා
🌻අනෙකුත්  පලාත් වලත් මේ තත්ත්වය  තියෙන්න  පුළුවන්
🌻මේ තත්ත්වය වෛරස්  ආසාදනයක්  බවයි සදහන්  වෙන්නේ
🌻බොහෝ වෛරස් ආසාදන සදහා  නියමිත ප්‍රතිකාරයක්  නැහැනේ
🌻ඒ නිසා  වලක්වා ගැනීම  තමයි වැදගත්
🌼උණ හෙම්බිරිස්සාව  තියනවනම්  ඉක්මනින්  ප්‍රතිකාර කරන්න 
🌼උණ හෙම්බිරිස්සාව  තියනවනම් පාසල් යවන්න එපා
🌼පාසලේ සිට  නිවසට  පැමිණි වහාම ඇදුම් මාරු කරවන්න
🌼ඇඟ සෝදවන්න
🌼නිරන්තරයෙන් අත් සෝදන්න
🌼අත් නොසෝදා නහය කට ඇස් අල්ලන්න  එපා කියන්න
🌼වැඩිහිටි  ඔබට හෙම්බිරිස්සාව  තියනවනම්  දරුවන්ගෙන් තරමක්  ඈත්වි සිටින්න අපහසුයි තමයි දරුවන්ට  මාරාන්තික වයිරසය ඔයාලට පොඩි හෙම්බිරිස්සාව ක් විතරක්  වෙන්න පුළුවන්
🌼සෙනඟ ගැවසෙන ස්ථාන වලින්  ඈත්ව සිටින්න
🌼හොදින්  ජලය පානය කරන්න
🌼සමබල ආහාර වේලක් ගන්න
🌼ප්‍රතිශක්තිය  පවත්වා ගන්න
🌼කැස්ස වෙලාවට කිබුහුම් යන වෙලාවට කට නාසය tissue  වලින්  වසන්න
🌼ටිෂූ  නිසි පරිදි  බැහැර  කරන්න
🌼කැස්ස  හෙම්බිරිස්සාව  තියන අයගෙන්  ඈත්වී සිටින්න
🌼ගර්භනී  අයත්  ප්‍රවේශම් වෙන්න
http://www.mawbima.lk/print20170621MB20171230.php?id=13489#.WvqO5jV3ZiM.facebook

මේ photoඑක ස්වසන පදධතිය හා සම්බන්ධ  වයිරස්  ආසාදන වැලැක්වීම  ගැන පමණයි
මේ වයිරස් එක H1N1නෙවෙයි
👪👪👪2nd trimester  එක ගැන කථා කරමු නේද
💑💑මේ කාලයේ ගොඩක්  වැදගත් දේවල් වෙනවා
💑දෙවන තුන් මාසය කියන්නේ සති 13 සිට  සති 28දක්වා කාලය
❤මේ කාලය තුල ඔයාලට බබාගේ චලනය  දැනෙන්නට පටන් ගන්නවා
💛පලවන බබා ලැබෙන්න ඉන්න අම්මා කෙනෙකුට මේ සදහා  සති 20  -22 වගේ කාලයක් ගත වන අතර කෙට්ටු දෙවන තුන්වන බබා හම්බ වෙන්න ඉන්න අම්මා කෙනෙකුට සති16  වෙනකොට දැනෙන්නට ගන්නවා වෙනස් වෙන්න පුළුවන්

💛ඔයාලා මෙච්චර දවස් folic acid ගත්තනේ
දැන් යකඩ. , කැල්සියම්, විටමින් සී ගන්න පටන් ගන්න
💛මේවා සායනවලදි ලබාදෙනවා
💛යකඩ විටමින් සී එකට ගන්න
රෑ කෑමෙන් පැයකට පමණ පසුව ගන්න
යකඩ පෙති වලට මල් බද්ධය , මල කළු පැහැ වීම වගේ දේවල් හැදෙනවා
මල බද්ධය අපහසු මට්ටමට එනවානම් වෛද්‍ය උපදෙස්
ලබා ගන්න

💛කැල්සියම් වෙනම ගන්න උදේට ගන්න
ත්‍රීපෝෂත් සායනයේදි. ඔයාලට ලැබෙනවා
පණු බෙහෙත් ගන්නත් ඕන

💜ඔයාලට සති16 වෙනකොට පිට ගැස්ම ධූලකාභය විදිනවා
💜පලවන බබා නම් තව සති හයකින් තව සැරයක් විදිනවා

💖සති 13

මේ වෙනකොට බබාගේ වකුගඩුවල ක්‍රියාකාරීත්වය පටන් අරන් බබා බබාගේ වටේ තියන තරලය පානය කරලා  මූත්‍රා වගේ පිටකරනවා
බබාගේ ඇඟ පුරා තුනී ලෝම හැදිලා

💖සති14

දැන් උදරය ටිකක් ලොකුයි නේද
ඇල්ලූවොත් බුද්නය අහුවෙනවා
මොකටද තද කරගෙන ඉන්නේ
ඇදුම් මාරුකරන්න
දැන් පැටියා චන්ඩියෙක්
ගර්භාෂය හූරනවා
අක්මාවෙන් පිත  නිපදවන්නත් පටන් අරන්
ප්ලීස් රුධිර සෛල නිපදවන්නත් පටන් අරන්

💖සති15

ඔයාට දැන් කොහොමද
නින්ද යන්නේ නැද්ද
නිතර නිතර මූත්‍ර පිටකරන්න ඕනද 
කොයිවෙලෙත් බඩ පපුව දැවිල්ල ද
වම් ඇලයට නිදාගන්න
චුට්ට චුට්ට කන්න
තෙල් මිරිස් තුනපහ අඩුකරන්න
බබාගේ අස්ථිවල දැන් කැල්සියම් තැන්පත් වෙන්න පටන්ගෙන

💖සති 16

දැන් ඔයා ලස්සනම කාලේ .බඩේ ඉන්න චූටි පැටියා ඔයාව ලස්සන කරලා
මූණ පිරිලා
තෙල් පෑදිලා හම දිලිසෙනවා
තෙල් සහිත සමක් ඇති කෙනෙක් නම් තෙල් ගතිය අඩුකරන cleanser එකක් පාවිච්චි කරන්න
පිට ගැස්ම ධූලකාභය මේ කාලයේ ඔයාට විදින්න ඕන
බබාගේ හම මේ කාලයේ හරිම තුනීයී
විනිවිද පෙනෙන හමක් තියෙන්නේ

💖සති 17 සිට 20 දක්වා

දැන් ඔයාලට අප්‍රිය ගතිය එහෙම නෑනේ
හොද සමබල ආහාර
පාන ගන්න
ටික ටික වැඩි වාර ගණනක් ගන්න
සති 18 සිට 20 කාලයේ anomaly scan
කරන්න ඕන 
දෙවන මාස 3 කරන මේ scanඑක බබාගේ ආබාධ හා අසාමාන්‍යතා හදුනා ගැනීම ට කරන්නේ
ඔයාලට ඉතින් දුවෙක්ද පුතෙක්ද කියලා දැනගන්නත් පුළුවන්
.  යෝනි මාර්ගයේ ශ්‍රාවය න් වැඩි  වෙනවා. තෙත ගතියක් දැනෙනවා. නිතරම පිරිසිදුව ඉන්න

💖සති 20 සිට 24 දක්වා

මේ කාලය තුල ඔයාලට බබාගේ චලනය දැනෙන්නට පටන් ගන්නවා
ඒ වගේම  උදරය චුට්ටක් විතර කසන්නට පටන් ගනියි
බබත් තව චුට්ටක්  ලොකු වෙයි
දිවේ රස නහර  හැදෙන්නේ මේ කාලයේ දී යි

💖සති 24 සිට 28 දක්වා

මේ කාලයේ glucose tolerance test  කියන පරීක්ෂණය කරන්න ඕන
විශේෂයෙන් ස්ථූල මව්වරුන් පවුලේ දියවැඩියාව තියන අය
බබා ප්‍රමාණය ට වඩා වැඩී ඇත්නම්  අනිවාර්යයෙන්ම මේ පරීක්ෂණය  කරන්න ඕන
කොහොමත් ඔයාලගේ ගර්භාෂයේ වර්ධනය සායනයේදි බලනවනේ
මූත්‍රා  බලනවා  සීනි සහ ඇල්බියුමින් සදහා
රුධිර වහනය ක් , වතුර යාමක් ආසාදන යක් නැත්නම් ලිංගික එක්වීමේදි ගැටලුවක් නෑ

💕💕💕💕දැන්  තමයි වැදගත්ම දේ කතා කරන්නේ
මේ කාලයේ ඔයාලට ගොඩක් ප්‍රශ්න එන්න පුළුවන්
ඒවා ගැන දැනුවත් වීම වැදගත්💕💕💕💕

💛💛ගර්භනී සමයේ අධි රුධිර පීඩනය

ගර්භනී සමයේ අධි රුධිර පීඩනය කොටස් දෙකකට බෙදෙනවා
1එකක් සති 20  ට පෙර ඇතිවන රුධිර පීඩනය -මෙම තත්ත්වය ඇතිවෙන්නේ කොහොමත් රුධිර පීඩනය තියන කෙනෙකුට

2 සති 20 න් පසුව  ඇතිවන රුධිර පීඩනය
මේ තත්ත්වය තමයි ගර්භනී සමයේ ඇතිවන රුධිර පීඩනය කියලා කියන්නේ

මේ තත්ත්වය ඇතිවෙන්න ඇතිවීමට නිශ්චිත හේතුවක් කියන්න බෑ
වැදෑමහ ගර්භාෂය ට සති වීමේදී සිදුවන සංකූලතා නිසා මේ තත්ත්වය ඇතිවෙන බව තමයි විශ්වාස කරන්නේ

👍අවුරුදු 35 ට වැඩි අයට
👍අවුරුදු 18 ට අඩු අයට
👍දියවැඩියාව තියන අය ට
👍පවුලේ කෙනෙකුට අධිරුධිර පීඩනය හෝ දියවැඩියාව තියනවනම්
👍වකුගඩුවල ක්‍රියාකාරීත්වයේ ප්‍රශ්න තියෙනවනම්
👍පෙර අවස්ථාවක මේ තත්ත්වයට පත්ව ඇත්නම්
👍පලවන බබා නම්

ඔයාලට මේ තත්ත්වයට ගොදුරු වීමේ අවදානම  වැඩියි

☝මේ කාලය තුල ඔයාල කොහොමත් සායනයට මාසයකට සැරයක් යනවනේ
☝එතකොට ඔයාලගේ රුධිර පීඩනය බලනවා
ඒ අවස්ථාවේ මේ තත්ත්වය  හදුනා ගන්න පුළුවන්
☝මේ අවස්ථාවේ  ඔයාලා ගේ  රුධිර පීඩනය 140/90ට වැඩිනම්
ඔයාලා ව රෝහලේ සායනයට හෝ නාරි හා ප්‍රසව වෛද්‍ය වරයෙකුට යොමු කරනවා
👆රුධිර පීඩනය 160/100ක්  වගේ   නම් රෝහල් ගත වෙන්න ඕන
👆මේ කාලයේ වෛද්‍ය උපදෙස් නිසිලෙස පිළිපදින්න ඕන
👆ඔයාටයි බබාටයි දෙන්නටම මේ තත්ත්වය බලපානවා
👆බබාගේ වර්ධනය  අඩුවන නිසා  සති 28, 32, 36   ස්කෑන් පරීක්ෂණ කරනවා
👆මේ සදහා දෙන ඖෂධ වලින් බබාට කිසිම හානියක් නෑ

👆භයානකම අවස්ථාව තමයි මේ සමග මූත්‍ර සමග  ප්‍රෝටීන පිට කිරීම
👆මේ තත්ත්වය ට pre eclampsia කියලා කියනවා
👆මේ අවස්ථාවේ දී අනිවාර්යයෙන්ම රෝහල් ගත කරනවා
👆ගර්භනී අවස්ථාවේ ඇතිවන රුධිර පීඩනය මවගේ වකුගඩුවල ට බලපැම නිසා තමයි මේ දේ වෙන්නේ
👆මේ තත්ත්වය ගර්භ වලිප්පුව නැත්නම් eclampsia  කියන මට්ටමට ආවොත් ඒ කියන්නේ මවගේ මොලයට බලපෑවොත් මවගේ මරණය වුනත් සිදුවෙන්න පුළුවන්
👆බබාගේ වර්ධනය අඩාල වෙලා ගර්භාෂය තුල බබා මිය යන්නට පුළුවන්
👆👆👆මේ වෙලාවේ දි අම්මා ගේ ජීවිතය තමයි අංක එක
👆අම්මගේ බඩේ කැක්කුමක්  ඇස්වල පෙනීමේ අපහසුවක් ඇස් කහ පැහැති වීමක්
ඒ වගේම රුධිරයේ පට්ටිකා අඩුවීමක්  අක්මාවේ එන්සයිම වල වෙනස් වීමක් වෙනවනම්  අම්මා ට Hydralazine, mgso4 යන ඖෂධ වර්ග ලබා දී, බබාගේ පෙනහළු වර්ධනය සඳහා ස්ටිරොයිඩ් ලබාදී බබා බිහි කිරීමට කටයුතු කරන වා
👆අම්මා ගේ අවධානම අඩු අවස්ථාවල ඩොප්ලර් පරීක්ෂණය කරමින් බබාට රුධිර ගමනාගමනය බලනවා
👆බබාකුස තුල වර්ධනය වෙන්න පුළුවන් අවසාන අවස්ථාව වෙනකම් බබාව බේරගන්න බලනවා
👆කලාතුරකින් කෙනෙකුට ප්‍රසූතියෙන් පසුවත් ගර්භ වලිප්පුව ඇතිවෙන්න පුලුවන්
👆කොයිවෙලාවකවත්  අධි රුධිර පීඩනය තියන මවක් වෛද්‍ය උපදෙස් වලට අවනත නොවී ඉන්න එපා

👆ගර්භනී සමයේ අධි රුධිර පීඩනය දරු ප්‍රසූතියට සති6 කට පසුව සාමාන්‍ය වෙනවා
👆ඊට පසුව ත් රුධිර පීඩනය වැඩිනම් කායික රෝග පිලිබද වෛද්‍ය වරයෙකුට යොමුවෙන්න

💕💕💕💕ගර්භනී සමයේ දියවැඩියාව

👆ගොඩක්  අයට තියෙනවා
👆මේකත් අධි රුධිර පීඩනය වගේම කොටස් දෙකකට බෙදෙනවා
👆ගර්භනී තත්ත්වයට පෙර සිට පවතින දියවැඩියාව හා
 👆ගර්භනී බව නිසා ඇතිවන දියවැඩියාව
ඔයාට කොහොමත් දියවැඩියාව තියනවනම් pregnancy එකට ඉස්සෙල්ලා ඒ තත්ත්වය පාලනය කරගන්න ඕන
😒සාමාන්‍ය කෙනෙකුට නම් folic acid 1mg ඇති ඒත් ඔයාට මදි . ඔයා folic acid 5mg  ගන්න ඕන 😒ප්‍රසූත දිනය ස්කෑන් පරීක්ෂණයක් මඟින් තහවුරු කර ගැනීම අනිවාර්යයි
😒anomaly scan එකත් අනිවාර්යයෙන්ම කරන්න ඕන
😒ඊට අමතරව සති 28, 32, 36 ස්කෑන් පරීක්ෂණ කරන්න ඕන
😌 සමහර වෙලාවට අපි දන්නේ නෑ අපිට දියවැඩියාව තියනවද කියල
😌කොහොමත් මුල් සති 12 ඇතුලත සීනි සදහා රුධිර පරීක්ෂණ ක් කරනවා සායනයේදි මූත්‍ර පරීක්ෂණ ය ත් කරනවා
😌ගර්භණී සමය තුල ඇතිවන දියවැඩියාව සාමාන්‍යයෙන් ඇතිවන්නේ සති16 න් පසුව
😌oral glucose tolerance test කියන පරීක්ෂණය සති 24 ත් 28 ත්  අතර කරන්නේ මේ තත්ත්වය හදුනා ගන්න

👍ඔයා ස්ථූල නම්
👍පවුලේ කෙනෙකුට දියවැඩියාව තියනවනම්
👍මීට පෙර ලොකු බබෙක් ,අසාමාන්‍යතා ඇති බබෙක් බිහිකලානම්
👍ඔයා සායනයේදි කරපු මූත්‍ර  පරීක්ෂණ යේදී සීනි තියනවා කිව්වා නම්
ඔයා මේ පරීක්ෂණය කරන්නම ඕන

😔ගර්භනී සමයේ දියවැඩියාව  නිසා අධි රුධිර පීඩනය සෑදීමට අවධානමකුත් තියනවා
😔ඒ වගේම බබාගේ ශරීරයේ අසාමාන්‍යතා ඇතිවෙන්න පූළුවන්
😔බබා කුස තුල මිය යන්න පුළුවන්
😔බබා ලොකු වෙන්න පුළුවන්
😔ප්‍රසූතියේදී ගැටලු ඇතිවෙන්න පුළුවන්
😔බබා වටා ඇති තරලය වැඩි වීමෙන් කළලාවාරය බිදෙන්නත් පුළුවන්
ඒ අවස්ථාවේ cord prolapse කියන  තත්ත්වය ඇති වුනොත් මල දරු උපතක් වුනත් වෙන්න පුළුවන්
☝ඒ නිසා වෛද්‍ය උපදෙස් මත ක්‍රියා කරන්න
ආහාර පාලනය කිරීම, metformin හා ඉන්සියුලින්  විදීම මගින් මේ තත්ත්වය  පාලනය කරනවා ප්‍රසූතියෙන් පසුව ප්‍රතිකාර නවත්වනවා
☝සති 6 කට පසු නැවත රුධිර පරීක්ෂණ යක් කරනවා
ඒ පරීක්ෂණ යේ සීනි වැඩිනම් කායික රෝග පිලිබද වෛද්‍ය වරයෙකුට යොමුවෙන්න ඕන
ඔයාට අධි රුධිර පීඩනය හෝ දියවැඩියාව වැලදුන නම් ඊලග ගැබිනි කාලයේ ඔබේ වෛද්‍ය වරයා දැනුවත් කරන්න ඕන

මේ ලිපිය ගොඩක් දිග වැඩියි නේද
දෙවන තුන් මාසයේ  ඇතිවන ගබ්සා වීම්
රුධිර වහනයන් අපි  අලුත් ලිපියකින් කථා කරමු
https://m.facebook.com/story.php?story_fbid=146938852715930&id=133679454041870